搞作广州旅游观光bus黄线城市中轴线

广州旅游观光3线

原标题：新搞作,广州旅游观光bus~（黄线）城市新中轴线。

琴日嘅千年古城线介绍睇得过瘾吗~。

呢条线系主打广州新中轴嘅地标。

时代感满满~

呢条线相对红线比较少站。

范围主要系天河同海珠两个区。

城市新中轴线途经嘅站点如下：。

大沙头游船码头→二沙岛→海心沙亚运公园→天河城→广州塔→广州塔东→中山大学→大沙头游船码头。

大沙头游船码头因为琴日已经介绍过。

所以就唔再介绍啦

二沙岛

作为一个生活系广州20+年嘅广州仔。

其实对二沙岛系有印象嘅。

但印象唔深

因为几乎冇点黎过

呢边系土豪嘅别墅区

都系路过居多

二沙岛又称二沙头、二沙头岛。

岛四周江水环抱

南临珠江主航道,北靠珠江次航道。

北面与珠岛宾馆和五羊新城隔江相望。

西靠大沙头码头

其实呢度系广州最开始嘅有钱人聚集地。

星海音乐厅、广东美术馆都系呢度。

文化艺术气息扑面而来。

住系呢度感觉日日都可以陶冶情操哈哈哈。

仲有

呢度环境超级好

绿化面积大

而且人少比较幽静

如果有精力嘅话黎呢度踩单车都几好。

广东美术馆系免费开放噶~。

（周一闭馆哦~）

入边超级大

有十三个展馆同户外雕塑展示区。

偶尔仲有展览

讲真其实几乎系冇咩人。

所以系度逛其实好舒服。

可以静心欣赏艺术

海心沙亚运公园

海心沙亚运公园改造于亚运会2010年广州开闭幕式主场馆。

印象中每年呢度除夕倒数嘅时候呢度都会搞演唱会。

其实就系一个大舞台

讲真冇咩好睇

不过~

距系连住花城广场嘅

花城广场就多野睇啦

本身花城广场就系一个大广场。

环境优美~

历年嘅灯光节都系呢度举办噶。

广州图书馆新馆、广东省博物馆新馆、广州大剧院、东塔、西塔。

都系非常值得望一眼嘅建筑。

图书馆同博物馆都系免门票。

广东省博物馆要凭身份证换票进入。

东塔系宜家广州最高嘅建筑~。

比小蛮腰仲要高哦

东塔西塔好似上去都要钱。

但系我就冇上过所以唔知道几钱~。

广州大剧院由世界著名设计师扎哈·哈迪德（伊拉克）主持设计。

因为睇上去好似两块石头。

所以又比人称为“江边石头”。

剧院入边现代感超级强~。

超高逼格

美食嘅话有花城汇（下沉式广场）。

无论系快餐常餐定系大餐。

呢度都可以满足你

天河城

天河城对于好多老广黎讲算系以前嘅中高档商店啦。

商圈扩大之后就更加大众化。

正佳、维多利亚、时尚天河个人认为都算正常消费。

如果想高逼格

天河城隔黎就有天环广场。

正佳旁边就有太古汇万菱汇。

各个消费层次都可以系度稳到适合自己嘅野。

去天河城我就最中意逛吉之岛啦。

（虽然宜家好似已经改名叫永旺）。

因为系日本企业

大家都知道果度卖d野比较坚。

（并唔系崇洋媚外,只系实话实说）。

比北京路上下九又要高一个档次。

综合娱乐购物最强我觉得系时尚天河。

之前时尚天河入边养短脚马梅花鹿我都觉得好犀利。

可能味道比较大

宜家改养孔雀哈哈哈

最近仲新开左一条老上海街。

装修超复古超有feel。

仲可以免费坐叮叮车~。

超好玩

广州塔

广州新中轴线上面最最有名嘅地标小蛮腰~。

虽然个人觉得登塔几贵。

不过可以鸟瞰一下广州呢个飞速发展嘅大都市。

其实都几值得噶

上面仲有摩天轮

可以度无死角欣赏广州。

拍拖约会求婚首选~

浪漫到爆啦

（单身狗捂脸）

中山大学

睇个名就知道

呢间大学系由孙中山先生创办。

系一间已经拥有一百几年历史嘅顶级学府。

培养出超级多人才

文化气息浓厚

入边仲好多古建筑

行系入边都可以闻到书香味。

而且绿化做得非常好

环境真系超级适合学习。

黄线就介绍到呢度就冇啦~。

听日见啦

你有什么想去的地方

你想知道哪里的攻略

小编哪里还做得不够好。

欢迎在公众平台留言

或者私信我哦~

私人微信：KuangRenLY。

么么哒(づ￣ 3￣)返回搜狐,查看更多。

责任编辑：